Marash Kumbulla, ylli i kombëtares së Shqipërisë dhe i Verona-s, ka qenë i ftuar në rubrikën “A tu per tu” të organizuar nga klubi verdheblu në Instagram.
“E kam kaluar karantinën time me familjen. Shpresoj të takohem sa më shpejt me shokët e skuadrës. Para këtij sezoni kam punuar shumë dhe jam stërvitur sa më shumë të ishte e mundur”, ka thënë Kumbulla.
“Të gjithë kanë besuar tek unë dhe më kanë dhënë mundësinë të debutoj në Serinë A. Kur kam debutuar, kam kuptuar se mund të jem shumë i rëndësishëm për skuadrën”.
“Rezultatet e këtij viti? Kemi punuar shumë gjatë fazës përgatitore dhe frytet janë parë. Edhe falë fazës përgatitore jam përmirësuar shumë fizikisht dhe psikologjikisht”.
“Kapiten i Shqipërisë? Shpresoj të ndodhë, do të ishte një tjetër ëndërr që do të realizohej”.
