Tashmë që futbolli është pezulluar, mesfushori i Laçit, Donald Rapo, pa dyshim që mund të quhet si ylli i karantinës.
Futbollisti ka tërhequr vëmendjen e të gjithëve, pikërisht për shkak të videove të shumta në rrjetet sociale, të cilat janë gazmore dhe kanë argëtuar së tepërmi ndjekësit e tij.
Tashmë Rapo ka nisur një sfidë në rrjetet sociale, ku ka postuar gola e tij, duke i bashkëngjitur komentin e Dritan Shakohoxhës, që është në komentimin e një goli të shënuar nga Leo Mesi.
Kësaj i është përgjigjur shoku i skuadrës te Laçi, Redon Xhixha, që në të njëjtën formë ka postuar videon e një supergoli që ai kishte shënuar ndaj Teutës në sezonin e kaluar dhe me këtë sfidoi përsëri Rapon.
Nuk mungoi edhe kundërpërgjigja e këtij të fundit, i cili më vonë ka postuar një super gol që i kishte shënuar Tiranës, gjatë kohës që ishte pjesë e Luftëtarit.
