Igli Tare dhe Lazio duket se e kanë vendosur objektivin e radhës në merkato. Ish-sulmuesi i Kombëtares tonë është fiksuar me Ianis Hagin, tek i cili duket se beson shumë.
Aktualisht, djali i legjendës Gheorge Hagi, është në huazim te Rangers, ndërsa kartoni i tij zotërohet nga Genk. 21-vjeçari provoi disa vite më parë një eksperiencë te Fiorentina, por nuk arriti të bëhej protagonist.
Tashmë, kur kanë kaluar disa vite, Lazio dhe Tare kërkojnë ta rikthejnë në Serie A për t’i dhënë më shumë besim. Gjithsesi, më parë duhet bindur Genku, që nuk e lëshon edhe aq lehtë.
