3 gola në 4 ndeshjet e fundit, ish-sulmuesi i Milanit, Andre Silva, mesa duket po abonohet me golin në Bundesligën gjermane.
Futbollisti porgtugez ka gjetur sërish rrugën e rrjetës në sfidën e sotme ndaj Volfsburgut, e vlefshme për javën e 29-të të kampionatit.
Në minutën e 27-të Andre Silva, u tregua i saktë nga pika e bardhë e penalltisë, duke kaluar në avantazh skuadrën e Ajntrakt Frankfurt. Ky ishte goli i 7-të për sulmuesin 24-vjeçar në 18 ndeshje aktivizim.
