Kampioni i Botës me Francën, Adil Rami, duket tepër i fiksuar me vajzat bukuroshe. Së fundmi “preja” e tij ka qenë prezantuesja e programit “Dettto Fatto” në Rai Due, Bianca Guaçero.
Bukuroshja italiane është surprizuar ditën e djeshme live në emision, teksa ka marrë një trëndafil dhe një mesazh nga mbrojtësi 34-vjeçar, i cili së fundmi i është bashkuar klubit rus të Soçit.
Rami i dërgoi fillimisht një trëndafil anonim bukuroshes seksi dhe më pas një mesazh, ku dukshëm e ftonte të takoheshin: Përshëndetje Bianka. Unë jam në Nisë dhe ti në Milano, kështu që nuk jemi shumë larg…”.
Megjithatë modelja italiane ka reaguar menjëherë dhe ka sqaruar se ajo dhe Rami nuk njihen nga afër dhe se mbrojtësi thjesht i ka shkruar në Instagram, ku nuk ia ka kursyer komplimentet.
Mesa duket Rami nuk ka hequr dorë nga ngacmimet në Instagram, pasi kujtojmë që të njëjtën gjë ka bërë edhe ndaj gazetares shqiptare, Sabina Mete, të cilën 34-vjeçari e kishte ftuar për t’u takuar disa kohë më parë.
Ky fakt u pohua nga vetë gazetarja e “RTSH Sport”, në një prej emisioneve në “Top Channel”.