Djali i Wanda Narës ka bërë një foto me fanellën e Arsenalit, të cilën mamaja e tij e ka shpërndarë në Instagram ku ka 6.5 milionë ndjekës.
Ky postim provokues vjen në një moment kur e ardhmja e Mauro Ikardit është e paqartë, sepse te Interi nuk e duan dhe te PSG-ja e cila e ka në formë huazimi me të drejtë blerjeje deri në fund të sezonit nuk janë të bindur për ta ushtruar këtë të drejtë.
Për më tepër, është përfolur shumë që midis Interit dhe Arsenalit mund të ndodhë një marrëveshje shkëmbimi për sulmuesit Obamejang dhe Ikardi.
Duke patur parasysh se edhe Obamejangut i skadon kontrata në vitin 2021 dhe akoma nuk ka rinovuar, bën që zërat të jenë edhe më të mëdha aq më tepër kur nxitëse është vetë agjentja e Ikardit.