Dinamo Dresden është ekipi i vetëm në Bundesliga 2 që ende nuk ka luajtur asnjë ndeshje në kampionat, pas pezullimit për shkak të Koronavirusit.
Skuadra nuk ka zhvilluar asnjë ndeshje, pasi që prej 9 majit lojtarët dhe stafi teknik kanë qëndruar të karantinuar, pasi 3 lojtarë të ekipit rezultuan me Koronavirus dhe anuluan ndeshjet me Hanoverin dhe Greuther Firth. Ditën e sotme Dinamo Dresden do të luajë ndeshjen e parë në kampionat, teksa do të përballet me Shtutgartin.
Pikërisht për këtë arsye, tifozët e Dinamos kanë menduar të surprizojnë ekipin e tyre të zemrës, në prag të ndeshjes së parë. Kështu ata mbrëmjen e djeshme janë mbledhur në një numër të madh para hotelit ku qëndronte skuadra, dhe kanë festuar me flakadanë, tymuese dhe fishekzjarre, duke i dhënë zemër skuadrës për të marrë fitoren në ndeshjen e sotme.
“Wir zusammen gegen den Rest der Welt.” — Direkt gegenüber vom Mannschaftshotel am Dresdner Elbufer haben die Ultras Dynamo die Mannschaft mit einer Choreografie in die Nacht verabschiedet. Dresden bleibt eben anders. @K_BLOCK_DYNAMO #sgd1953 pic.twitter.com/sRbJv0hYfQ
— SG Dynamo Dresden (@DynamoDresden) May 30, 2020
