Ylli i Totenhemit, Dele Alli ka qenë viktimë e një vjedhjeje në shtëpinë e tij në Londër, në lagjen e Barnet. Dy hajdutë, kanë hyrë me forcë në banesën e tij të armatosur me thikë dhe kanë kërcënuar futbollistin anglez, vëllanë e tij, të dashurat e tyre dhe një shok.
Keqbërësit kanë vjedhur të gjitha bizhuteritë dhe disa orë; më pas, për t’u arratisur, kanë goditur në fytrë mesfushorin e Spurs me një grusht. Modelja Rubi Mae, e dashura e Dele Alli, ka e ka cilësuar këtë moment si një eksperiencë horror.
“Faleminderit për mbështetjen tuaj. Ka qenë një eksperiencë horror, por jemi të gjithë mirë”, shkroi Rubin në “Instagram”. Pak ditë pas vjedhjes, Dele Ali është kthyer të stërvitet me Totenhemin e Zhoze Murinjos, ndërkohë që është ende i tronditur nga ngjarja.
