Pas rikthimit në stërvitje, te Teuta është rikthyer edhe entuziazmi, me lojtarët që tashmë mund të bëjnë atë që duan më së shumti.
Ndonëse stërvitja kishte përfunduar, përsëri dy talentet e Teutës, Sherif Kallaku dhe Lorenco Vila, vendosën të qëndrojnë edhe për pak, për të bërë edhe një sfidë mes tyre.
Të dy lojtarët kanë pasur një sfidë speciale, për sa i përket ekzekutimit të penalltive. Kështu dy futbollistët bënin disa rrotullime mbi topin dhe pasi ju ishin marrë mendtë, e gjuanin atë për të tentuar të shënonin.
Kallaku u tregua më i saktë, teksa në 2 gjuajtje arriti të shënonte 2 gola, ndërsa Vila shënoi vetëm një, teksa në një rast nuk po gjente dot as portën.