Familja e futbollistit të Romës, Havier Pastore ka kaluar momente të vështira së fundmi, teksa policia ka arrestuar vëllain e lojtarit argjentinas.
Huan Manuel po udhëtonte me makinën e tij, teksa bashkë me të ishte edhe motra e tij. Megjithatë në orën 18:00 kur po udhëtonte vëllai i Pastores, ishte e ndaluar për shkak të kufizimeve që janë vendosur në Argjentinë për shkak të Koronavirusit dhe ai kishte thyer karantinën.
Sapo u mor vesh kjo policia e ndaloi menjëherë, teksa pas kontrollit u zbulua se ai nuk kishte autorizim për të dalë, si motra e tij e cila e dispononte atë, ndërsa nuk kishte as leje drejtimi. Menjëherë pas kësaj Huan Manuel u arrestua dhe u shoqërua në komisariat, ku u la i lirë një ditë më vonë.
