Një skenar i çmendur vjen nga Franca për merkaton verore. Sipas “L’Equipe”, Mançester Junajtid ka një ide, e cila nëse do të realizohej, do të ishte nga lëvizjet më të bujshme në merkato, gjatë viteve të fundit.
Pol Pogba kërkon largimin nga Junajtid dhe klubi anglez nuk do as më shumë dhe as më pak se 160 milionë euro për të lëshuar francezin, kampion Bote.
Nëse një klub i ofron ato para, anglezët do ta shesin atë dhe nuk do të qëndrojnë duarkryq. Ata do të tentojnë Nejmarin nga PSG-ja.
Braziliani është i pakënaqur me kampionatin francez dhe PSG-në, kështu që një largim do të ishte i mundshëm, nëse “tekat” financiare të francezëve do të plotësoheshin.
