Presidenti i Komitetit Olimpik Kombëtar Italian (CONI), Xhovani Malago ka folur me bindje se kampionati italian do të rifillojë në datë 13 qershor.
13 qershori është data paraprake e njoftuar nga Seria A për rifillimin e sezonit aktual, por ka akoma frikë në lidhje me fatin e këtij sezoni për shkak dhe të protokollit që parashikon izolim të plotë të skuadrës për 15 ditë nëse del një i infektuar.
“Me 99% Seria A do të rifillojë në datë 13 qershor. Nuk i kuptoj kundërshtimet e disa mjekëve. Njëherë le të fillojmë, pastaj se kur përfundojmë nuk e di,” deklaroi Malago për “Radio 2”.
