Duke respektuar rregullat e distancimit social, me maska dhe doreza, trajneri i Realit të Madridit dhe futbollistët u takuan pas 2 muajsh.
Zinedin Zidan donte që të ishte prezent në momentin që lojtarët do të riktheheshin në qendrën stërvitore “Valdebebas” dhe në ambientet e jashtme të saj shkëmbeu disa biseda me lojtarët e tij.
Kryesisht shëndeti i lojtarëve dhe i familjarëve të tyre ishte tema kryesore e këtij takimi. Zidan foli thuajse me të gjithë lojtarët, por u ndal më shumë me kapitenin Serxho Ramos, me të cilin diskutoi edhe vazhdimësinë e sezonit.
Eden Hazard gjithashtu i tha trajnerit francez që ndihej mjaft mirë dhe i rikuperuar nga operacioni që kreu përpara disa kohësh. Stafi i Zidanit ka kontaktuar me lojtarët për t’u shpërndarë planin e punës që do të bëhet, edhe pse ata do të jenë gjithmonë prezentë në qendrën stërvitore.
Hoy damos el primer paso para el regreso a la actividad.#RMCity | #HalaMadrid pic.twitter.com/VMW3rP3nFd
— Real Madrid C.F.⚽ (@realmadrid) May 6, 2020