Myrto Uzuni është një nga sulmuesit më të mirë të Shqipërisë, i cili ka treguar paraqitje të shkëlqyera me Lokomotivën e Zagrebit.
Në një prononcim të dhënë së fundmi sulmuesi ka treguar se ka pasur interesime nga disa skuadra të kampionateve të mëdha, duke shtuar se e duan dy klube të La Ligës.
“Unë asnjëherë nuk ec me plane, por me ndërpreu në momentin më të mirë dhe mendoj se do e nis aty ku e lashë. Ne shkojmë të veshur në klub, kemi bërë teste dhe kemi dalë të gjithë negativë. Deri në momentin që doli përgjigja e testeve isha në ankth.
Jam një tip që e motivoj veten dhe do punoj fort për të arritur aty ku dua. Mendoj se skuadra do të arrijë në vendin e dytë. Duhet të tregoj formën më të mirë në fushë dhe më pas të pres ftesën nga Kombëtarja. Është diçka shumë e rëndësishme të luaj për kuqezinjtë. E kam thënë edhe më parë që Tiranën e shikoj si kampione, ndërsa Laçi mendoj se do e kapi Europën.
E ardhmja? Kam pasur kontaktet nga klubet e mëdha në kampionatet kryesore përveç Bundesligës. E shikoj më shumë veten në Spanjë dhe kam dy oferta nga 2 klube të La Ligës.”, u shpreh Uzuni për “Supersport”.
