Një studim i fundit ka pohuar se Lionel Messi është dy herë më i mirë se rivali i tij, Cristiano Ronaldo. Gjatë 15 viteve të fundit, Messi dhe Ronaldo po luftojnë për supremaci. Megjithëse shumë janë dakord, se të dy do të shkruhen në historinë e futbollit si dy nga lojtarët më të mëdhenj që kanë shkelur ndonjëherë fushën, askush nuk i ka dhënë fund debatit, se cili është lojtari më i mirë mes të dyve.
Me një kombinim prej 11 “Topash të Artë” dhe me shfaqjen e vazhdueshme të dominimit të tyre, është vërtet e vështirë të kuptosh, nëse është më i mirë Messi apo Ronaldo. Sidoqoftë, një studim statistikor i kryer nga “SciSports”, në partneritet me “Universidad Catolica” në Belgjikë, mund të ndihmojë tifozët dhe ekspertët vendosin.
Në mënyrë befasuese, studimi zbuloi se ikona argjentinase është dy herë më i mirë se portugezi – të paktën midis viteve 2013 dhe 2018. Studimi u raportua bazuar në ato pesë vjet, të cilat ishin pa dyshim vitet më të suksesshme të Ronaldos si profesionist, si në aspektin e të trofeve të fituar dhe golave ??të shënuar.
Messi, nga ana tjetër, ishte ylli i padiskutueshëm vetëm një vit para kësaj periudhe. Ishte viti 2012, kur superylli i Barcelonës vendosi rekorde të pabesueshme golash të shënuar, të cilat qëndrojnë edhe sot e kësaj dite. Por, megjithë avantazhin në dukje të vogël për Ronaldon, studimi zbuloi se Messi shënoi mesataren 1.21 në test, ndërsa rivali i tij dy herë më pak, vetëm 0.61.
Studimi arriti në përfundimin se Leo kontrolloi topin më shumë, dhe për këtë arsye krijoi më shumë shanse dhe vendosi rezultatet e ndeshjeve më shpesh sesa “CR7”. Për të mbështetur rezultatet e studimit, Profesor Jesse Davis shpjegoi më tej se baza kryesore ishin çdo veprim i Messit dhe Ronaldos gjatë një ndeshje.
Sipas tij, goli është një ngjarje e rrallë, sepse gjatë një ndeshje vlerësohet se ndodhin mesatarisht 1,600 veprime. Studimi analizon secilin veprim – gjuajtjet, pasimet, driblimet, ndërhyrjet – dhe llogarit vlerën e tyre. Prandaj, studiuesit vlerësuan dyshjen bazuar në gola dhe asiste dhe dolën me rezultatet e mësipërme.
Një analizë tjetër statistikore tregoi, se Messi dominoi Ronaldo gjatë të gjitha ndeshjeve të tyre kundër njëri-tjetrit. Bazuar në këtë studim, 6 herë fituesi i “Topit të Artë” është përpara Ronaldos për sa i përket efikasitetit, pasi ka shënuar një gol çdo 138 minuta dhe 41 sekonda.
Ndërsa Ronaldo, nga ana tjetër, një gol çdo 153 minuta dhe 19 sekonda. Studimi gjithashtu tregon, se Messi kontribuoi një asist çdo 254 minuta dhe 15 sekonda, ndërsa Ronaldo jep vetëm një asist çdo 2,913 minuta. Është e qartë që të dy janë futbollistë të klasit botëror dhe ka të ngjarë të jenë në muzgun e karrierës së tyre. Kjo do të thotë, se duhet t’i shijojmë të dy, pa marrë parasysh preferencën tuaj personale.
