Premier League ka miratuar zyrtarisht dy ndryshime për pjesën e mbetur të sezonit.
Pas një takimi të zhvilluar ditën e enjte, klubet e Premier Leagues kanë aprovuar rregulloren për pesë zëvendësime kjo do të bëhet për arsye të mos lodhen futbollistë që do të kenë intensitet të lartë të ndeshjeve.
“Aksionarët e Ligës Premier sot ranë dakord për ndryshime të përkohshme të rregullave që lidhen me lojtarët zëvendësues”.
“Për pjesën e mbetur të sezonit 2019/20, numri i zëvendësuesve që mund të përdoren gjatë një ndeshje do të rritet nga 3 në 5 lojtarë”.
“Kjo është në përputhje me ndryshimin e përkohshëm të ligjit të bërë nga Bordi i Shoqatës Ndërkombëtare të Futbollit muajin e kaluar”.
“Aksionarët aprovuan gjithashtu që klubet të rrisin numrin maksimal të lojtarëve zëvendësues në bankinë nga shtatë në nëntë për pjesën tjetër të sezonit 2019/20”, thuhet në njoftimin e Premier Leagues.
Liverpooli kryeson me 82 pikë, dhe është vetëm dy fitore larg titullit në Angli.
