Të Dielën, Real Madrid pret në shtëpi Eibar në kuadër të javës ssë 28-të të La Ligas. Pas tre muajve ndërprerje për shkak të pandemisë së koronavirusit, Zinedine Zidane më në fund ka marrë një lajm të mirë: Eden Hazard dhe Marco Asensio janë shëruar plotësisht nga dëmtimet. I operuar në këmbë, belgu tashmë është i gatshëm për të përfunduar sezonin. I njëjta gjë edhe për shokun e tij të skuadrës, Asension i cili ka lënë pas dëmtimin në ligamente.
Në një konferencë për shtyp, Zidane dha lajmin për rikthimin e dy lojtarëve. “Lajmi i mirë është se ata të dy kishin kohë për t’u përgatitur. Asensio stërvitet normalisht, po ashtu edhe Hazard. Ata të dy janë të dispozicion dhe ky është një lajm i shkëlqyer për ne, ” tha tekniku francez.