Me ndihmën e Çelsit apo jo, Jyrgen Klopit nuk i intereson shumë nëse titullin do ta fitojë në fushë apo nga divani. Trajneri i Liverpulit e ka në dorë fatin e tij dhe i duhen vetëm dy pikë që ëndrra 30- vjeçare për të fituar titullin e 19-të kampion në Angli të bëhet realitet.
“Skuadra ishte fantastike. Djemtë luajtën sikur stadiumi të ishte plot. Ishte ndeshja më e mirë e kundërpresingut që kam parë pa tifozë. Ndeshje e mrekullueshme dhe rezultat i shkëlqyer”, tha trajneri gjerman pas fitores.
“Nuk e di as nëse do ta shoh ndeshjen Siti-Çelsi. Hera e fundit që e pash, përfundoi 3-0 dhe ishte humbje kohe. Më pëlqen shumë sesi ata luajnë. Ne nuk mund të jemi si Siti”.