Tirana ka arritur një fitore me aromë titulli ndaj Skënderbeut në transfertë. Bardheblutë e Emanuel Egbo, përmbysën avantazhin e korçarëve, falë dopietës së realizuar nga Majkëll Ngo në harkun kohor të 5 minutave (71’-76’). Korçarët realizuan të parët me anë të Mensah në minutën e 9-të, por nuk arritën të menaxhonin këtë avantazh.
Në pjesën e dytë, duhet theksuar se bateritë e skuadrës së Dajës ranë ndjeshëm, teksa kishte vetëm një skuadër në fushë, ajo ishte Tirana. Me këtë fitore, bardheblutë kanë ruajtur diferencën +9 nga ndjekësit e Kukësit, kur kanë mbetur edhe 5 javë nga fundi. Kujtojmë që javën e ardhshme luhet supersfida Tirana-Kukësi.
