Çerekfinalet e futbollit në Lojërat Olimpike prodhuan rezultate tenistike ku në 4 ndeshje u shënuan plot 18 gola.
E para së u kualifikua ishte Spanja ku mes vështirësive dhe shtesave mposhti 5-2 Bregun e Fildishtë. Koha e rregullt përfundoi barazim 2-2. E para që kaloi në avantazh ishte Bregu i Fildishtë me anë të Beilit. Dani Olmo vendosi baraspeshën disa minuta para fundit të pjesës së parë. Pjesa e dytë nuk prodhoi thuajse asgjë, por gjithçka u ndez në fund. Serish afrikanët kaluan në avantazh në minutën e 91’ me Gradel, por 2 minuta më vonë Mir shpëtoi iberikët duke dërgua ndeshjen në shtesë. Në minutën e 98’ Spanja fitoi penallti, dhe Ojarzabal u tregua i saktë nga pika e 11-metërshit. Në minutën e 117’ ishte sërish Mir i cili realizoi golin e katërt për Spanjën, dhe 4 minuta më vonë 24-vjeçari shënoi dhe të pestin duke arritur kuotën e 3 golave në këtë sfidë.
Vendi organizator Japonia u kualifikua për në gjysmëfinale vetëm pas goditjes së penalltive kundër Australisë, ku japonezët fituan me rezultat 4-2. Brazilit i mjaftoi goli i Kunjas për të arritur në gjysmëfinale duke eliminuar Egjiptin. Ndërsa sfida e fundit, Kore e Jugut-Meksikë përfundoi me rezultat tenistik 3-6 në favor të amerikanoqëndrorëve.
Në gjysmëfinale, Japoni do të presë Spanjën ndërsa Meksika do të ndeshet me Brazilin.
