Achraf Hakimi është afër Interit dhe pritet vetëm zyrtarizimi akordit mes Interit dhe Real Madrid. Kontrata për pesë vitet e ardhshme me 5 mln euro në sezon dhe thuajse 40 mln euro vlera e kartonit.
Sipas asaj që raportohet nga “El Chiringuito” Hakimi nuk do të kthehet në Real Madrid sepse klubi spanjoll ka sqaruar tashmë se nuk do të përqendrohet tek ai për të ardhmen dhe “Blancos” tashmë kanë Dani Carvajal në korsinë e djathtë ndërsa Marcelo dhe Mendy në të majtë, i paguar 50 milionë euro një vit më parë.
Marokeni i tretë
Një maroken për Interin dhe Conten, që në të kaluarën ka pasur dy marokenë midis radhëve të tyre që bënë debutimin e tyre me ekipin e parë. Të parin jo të gjithë e mbajnë mend: Ibrahim Maaroufi. Ashtu si Hakimi lindi dhe u rrit shumë larg atdheut që ai më vonë përfaqësoi. Lindur në Bruksel, ai u transferua te Inter 17 vjeç duke luajtur 8 minuta në Serie A nën drejtimin e Mancinit, duke zënë vendin e Dejan Stankovic në një ndeshje ndaj Livornos në “San Siro”.
Një përvojë fatkeqe që e pa shpejt larg Milano, duke udhëtuar mes Zvicrës, Hollandës, Belgjikës, Marokut, Iranit dhe Francës. Sot 31 vjeç, ai aktualisht është i lirë.
I dyti, Houssine Kharja: gjashtë muaj në vitin 2011 nën drejtimin e Leonardo, me 15 paraqitje dhe një gol të shënuar.
