Leo Mesi dhe Diego Armando Maradona janë dy nga lojtarët më të mirë në histori të Argjentinës, por edhe të historisë së futbollit, për ato që kanë arrritur dhe kanë bërë gjatë karrierës së tyre.
Shpesh herë, ngrihet debati se kush nga këta dy lojtarë është më i miri, teksa për këtë ka folur edhe ish-lojtari i Milanit, Alesandro Kostakurta.
Ky i fundit në një intervistë të dhënë është shprehur se Mesi është më i zgjuar, duke treguar edhe një episod të veçantë kur argjentinasi ishte shumë i vogël dhe e detyroi atë të kërkonte zëvendësimin. “Kur flasim për Mesin dhe Maradonën, ne jemi duke folur për dy lojtarë të shkëlqyer në histori të futbollit. Mund të them se Leo është më ndryshe se Diego, pasi ylli i Barcelonës është më i zgjuar. Ata janë shumë të ngjashëm me njëri-tjetrin.
Jam përballur me Mesin që kur ishte fëmijë dhe mendova se mund të bëja çfarë të doja me të, por pas një çerek ore lojë, u detyrova t’i kërkoja Ançelotit ndërrim për të dalë nga fusha e lojës.”, u shpreh Kostakurta.
