Nuk ka qetësi te skuadra shqiptare e Renovës në Maqedoninë e Veriut, ku ditën e djeshme pas testeve të kryera, u njoftua se kishin rezultuar pozitivë 4 pjestarë të ekipit.
Megjithatë numri i të prekurve në këtë klub është rritur, të paktën sipas asaj që raporton “Infosport.mk”.
Këta të fundit shkruajnë se përveç 4 rasteve të ditës së djeshme, ka rezultuar pozitiv edhe drejtori sportiv i skuadrës, Fisnik Nuhiu.
Pikërisht kjo situatë e krijuar te Renova, ka bërë që të gjithë pjestarët e klubit që kanë pasur kontakte me njëri-tjetrin të vetëizolohen në shtëpitë e tyre, dhe në pritje për të kryer testet e dyta.
