Edhe pse barazimi me Atalantën u konsiderua si i artë, për Mauricio Sarrin dhe të tijtë nuk ka asnjë ditë pushim. Kalendari parashikon Sasuolon, një nga ekipet më në formë të momentit, ndaj nuk ka kohë për ndalesa.
Ushtrime taktike dhe qarkullim topi ishin ndër temat kryesore të stërvitjes së fundit, teksa lajmet e mira vijnë nga infermieria. Në fakt, Xhorxho Kielini dhe Merih Demiral duket se janë gati të stërviten rregullisht me grupin, teksa në synimet e tyre është sfida e Champions-it më 7 gusht kundër Lionit kur “Zonjës” do t’i duhet ta përmbysë humbjen 1 me 0 të pësuar në Francë.