Moment delikat në shtëpinë e Barcelona-s. Pas suksesit në kampionat të rivalëve të Real Madrid, ka ardhur shfryrja e Lionel Messi-t që ka bërë mea culpa duke përfshirë të gjithë skuadrën dhe klubin për gabimet e bëra në këtë sezon.
Gabime që kanë çuar blaugranat në vendin e dytë në kampionat dhe që mbi të gjitha vënë në rrezik vazhdimin e sezonit Champions League, ku Messi me shokë do të përballen me Napoli-n.
Megjithatë, sikur të mos mjaftonte kjo, për Messi-n ka ardhur një tjetër lajm i keq. Tifozët, në fakt, nuk e konsiderojnë më të mirin e sezonit të Barcelona-s dhe e kanë treguar këtë me një sondazh të Marca-s.
E përditshmja spanjolle ka bërë një sondazh në orët e kaluara për të zgjedhur se cilët janë lojtarët më të mirë të këtij sezonit për Barcelona-n.
Sipas tifozëve të Barçës, edhe pse votimet janë akoma të hapura, në vendin e parë është portieri Marc-Andre Ter Stegen, lojtari që ka marrë më pak vota kundër.
Pleshti ka marrë më shumë pëlqime se Ter Stegen, por edhe më shumë vota kundër.
Në vendin e tretë është talenti Riqui Puig, i ndjekur nga Ansu Fati, Langlet, de Jong, Semedo, Vidal, Sergi Roberto dhe Araujo.
