Një moment çmendurie është verifikuar në një ndeshje miqësore të luajtur në Rusi mes Sakhalinets dhe Legion, skuadra të PFL-së.
Gjyqtari anësor ka humbur kontrollin, ndoshta pasi ka marrë ndonjë fjalë të tepërt nga një prej lojtarëve.
Imazhet që po bëjnë xhiron e internetit tregojnë qartë sesi, në një moment proteste mes lojtarëve dhe anësorit, ky i fundit humb durimin dhe godet me një grusht lojtarin.
Dita e anësorit ka qenë akoma më e veçantë. Përveç gjestit të dhunshëm kundrejt një futbollisti, pak momente më parë ai është filmuar nga publiku i pranishëm duke përdorur celularin.
Një ditë për t’u harruar për anësorin. Sa për informacion, ndeshja është mbyllur në barazim 1-1.
Сахалинец – Легион pic.twitter.com/AnIGzLAt6g
— SoccerFootball (@SportE_Eug) July 13, 2020
