Antonio Konte ka zgjedhur të sakrifikojë Marselo Brozoviçin dhe Milan Shkriniarin për të afruar futbollistë në merkaton e verës.
Trajneri italian ka dëshirë që ta mbajë Lautaron, edhe pse kjo duket shumë e vështirë. Për mbrojtësin sllovak ka një luftë mes dy Mançesterëve, ndërsa e ardhmja e Brozoviçit është e lidhur me atë të Tiago Alkantarës. Ky i fundit është pranë Liverpulit dhe Brozoviç mund të përfundojë te kampionët e Gjermanisë.
Nuk përjashtohet mundësia që të transferohet edhe në Angli, pasi Klop e vlerëson maksimalisht nënkampionin e botës me Kroacinë. Ky sezon ka qenë me ulje-ngritje për Brozoviçin, ashtu si për gjithë Interin.
