Kaos në Spanjë dhe Segunda Division. Fuenlabrada e tërbuar me Liga. Të goditur ditët e fundit nga disa raste të koronavirusit dhe të paaftë për të luajtur ndeshjen e javës së fundit, me Deportivo La Coruna, vendimi ekstrem mund t’i shkatërrojë ëndrrën ekipit të kategorisë së dytë. La Liga kërkoi të anulojë ndeshjen, një vendim që do të pengonte skuadrën e Madridit të provonte të kapte vendin e gjashtë dhe të fundit të disponueshëm për play-off. Nëse RFEF pranon kërkesën, Elche do të luajë promovimin për t’u ngjitur në La Liga. Edhe Deportivo, duke mos u tërhequr, do të dëmtohej kaq shumë.
Divizioni Spanjoll Segunda (kategoria e dytë) mund të përfundojë me një ndeshje më pak dhe mes polemikave të destinuara për të zgjatur një kohë të gjatë.
Ndeshja në fjalë është Deportivo-Fuenlabrada, e vlefshme për javën e 42-të dhe të fundit të turneut dhe e planifikuar në “Riazor”, La Coruna në 20 korrik. Ajo ndeshje nuk u zhvillua dhe u shty për shkak të pandemisë koronavirus që përfshiu lojtarët dhe stafin e Fuenlabrada.
Dhe tani La Liga i ka propozuar federatës spanjolle që ta anulojë përfundimisht atë, duke shkaktuar një tërmet të vërtetë. Ekipi i Madridit ishte në ritëm të plotë për play-off dhe me një fitore do të kishte arritur vendin e gjashtë, i fundit në dispozicion për të luajtur më pas promovimin në kampionatin maksimal.
Nëse Federata e Futbollit Iberian pranon kërkesën e ligës së kryesuar nga Tebas, do të jetë Elche ekipi që do të festonte, pasi do të shkonte në playoff bashkë me Zaragoza, Almeria dhe Girona, ndërsa Ponferradina do të mbetej në Segunda.
“Ne duam të shprehim indinjatën tonë – lexohet në shënimin e lëshuar nga Fuenlabrada përmes rrjeteve sociale dhe faqen zyrtare të internetit.
“Nuk e kuptojmë pozicionin e La Liga, e cila dëshiron që Fuenlabrada të heqë dorë nga ndeshja kundër Deportivo. Kërkojmë nga institucionet e ndryshme që të caktojnë një datë të arsyeshme për zhvillimin e ndeshjes. Duam të luajmë mundësinë e kualifikimit në play-off për promovim në divizionin e parë. E konsiderojmë veten tonë vetëm për të ardhur keq për shkak të kësaj situate, duke pasur parasysh që u prekëm drejtpërdrejt nga një pandemi”.
“Jemi gati të ndërmarrim veprime juridike kundër institucioneve të ndryshme për të mbrojtur pozicionin tonë”.
Fuenlabrada zbuloi 28 raste me koronaviruse midis lojtarëve dhe stafit, me 12 raste të reja të regjistruara në orët e kaluara. Nga këto, thotë klubi, katër janë në Madrid pa pasur kontakte me njerëz që nga ndeshja kundër Elche më 17 korrik. Tetë të tjerë, megjithatë, negativë në provat e para, u izoluan për një javë dhe ishin pozitive më vonë. Në mesin e pozitivëve ka edhe një lojtar në spital, “i qëndrueshëm dhe pa simptoma serioze”.
Vështirë të luahetr një ndeshje futbolli, sado e rëndësishme, në këto kushte.
