Trajneri i Liverpool, Jurgen Klopp komentoi sezonin triumfues të të kuqve, të cilët u rikthyen kampionë Anglie pas 30 vjet pritjeje: “Pjesa futbollistike e sezonit ishte e jashtëzakonshme, absolutisht e jashtëzakonshme. Ne bëmë 99 pikë. Gjithçka fillon në 1 qershor 2019, gara e fundit e sezonit të kaluar. Por për ne ishte gara e parë e një periudhe speciale”.
“Pas Superkupës evropiane, Kupës së Botës së Klubeve fituam edhe Premier League. Pastaj, nuk duhen harruar 99 pikë, 2 më shumë se vitin e shkuar”.
“Absolutisht e jashtëzakonshme: djemtë ishin konstantë, më shumë se të tjerët. Duhej ta bënim këtë Pas 97 pikëve vitin e kaluar askush nuk tha që kemi qenë të pafat, por ne e respektuam kundërshtarin. Ishte e qartë se nëse donim të fitonim kundër Cityt, duhet të ishim pothuajse të përsosur. Dhe djemtë ishin pothuajse të përsosur. Kjo është arsyeja pse kemi 99 pikë. Kjo është gjithçka”.
