Mesfushori i Fiorentinës, Frenk Riberi pretendon se Interi është në rrugën e duhur por i duhet kohë, ndërsa është i sigurt se Kristian Eriksen do ta demonstrojë vlerën e tij në “San Siro”. Francezi foli për “Gazzetta Dello Sport” përpara ndeshjes ndaj zikaltërve sot në mbrëmje.
Riberi pret që Antonio Konte të vazhdojë rritjen e skuadrës edhe sezonin tjetër. “Interi ka një ekip shumë të fortë të përbërë nga kampionë. Ata sapo e kanë nisur rrugëtimin e tyre dhe i duhet kohë, por duket që janë në rrugën e duhur”. Riberi pret nga ish-lojtari i Totenhemit, Eriksen të demostrojë vlerën e tij pasi të përshtatet me futbollin Italian.
“Eriksen sapo ka mbërritur në Itali dhe i duhet kohë të përshtatet. Futbolli Italian është i vështirë, por Eriksen do ta demonstrojë vlerën e tij”, përfundoi Riberi.
