Është vetëm 15 vjeç, por Kevin Zefi është një nga lojtarët më të mirë në kampionatin e moshave në Irlandë.
Futbollisti me origjinë nga Shkodra aktivizohet te Shamrok ku ka treguar paraqitje ët shkëlqyera dhe ka rënë në sy të ekipeve të mëdha.
Në mars talenti shqiptar do të shkonte për një provë te PSV, pro shpërthimi i pandemisë bëri që kjo të dështojë. Raportohet se në gjurmët e Zefit tani janë vënë Interi dhe Juventusi. Madje “The Sun” shkruan se zikaltërit e kanë kaluar “Zonjën e Vjetër” dhe janë në avantazh për të firmosur me sulmuesin e talentuar.
Kujtojmë se për shkak të paraqitjeve të shkëlqyera, Zefi është grumbulluar edhe me Irlandën U-15, me trajnerin e kësaj kombëtareje që e ka quajtur edhe si “Hazardi i ri”.
