Vetëm pak orë përpara ndeshjes Fuenlabrada-Deportivo La Korunja u mësua se 12 pjesëtarë të stafit të Fuenlabradës përfshirë edhe lojtarët ishin të infektuar me Koronavirus dhe kjo bëri që të shtyhej ndeshja me Deportivo La Korunjën.
Por ky vendim bëri që Deportivo të binte nga kategoria dhe të shkonte në kategorinë e tretë spanjolle. Një vendim i tillë nuk i la aspak të kënaqur drejtuesit e Deportivos, të cilët kanë reaguar ashpër dhe kanë kërkuar përsëritjen e të gjithë javës së fundit, e cila duhet të luhet në një orar.
Drejtuesit thonë se do t’u drejtohen institucioneve për këtë gjë, por Havier Tebas e mohoi në mënyrë kategorike që mund të zhvillohet e gjithë java e plotë. Drejtuesit e akuzuan presidentin e ligës si Viniciusi i zyrave, që driblon mirë dhe bën gjithçka si duhet deri në momentin që shfaqet përpara portës kundërshtare, aty nuk shënon dot.
