Mançester Siti raportohet se janë gati të bëjnë një goditje të dyfishtë në Serinë A. Klubi anglez është i interesuar për sulmuesin e Interit Lautaro Martinez dhe për mbrojtësin e Napolit Kalidu Kulibali.
Mançester Siti ka vendosur të hyjë fuqishëm në merkato pas dënimit që iu hoq nga KAS-i. “Sky Sport” pretendon se Mançester Siti është gati të futet në garë me Barcelonën për Lautaron, pasi ky i fundit po refuzon të rinovojë kontratën me Interin. Pep Guardiola e shikon Martinezin si zëvendësuesin ideal të Serxhio Agueros. Përsa i përket mbrojtësit të Napolit, Kulibali, presidenti De Laurentis është shprehur i gatshëm ta shesë nëse vjen një ofertë prej të paktën 100 milionë eurosh.
Trajneri i Mançester Sitit, Pep Guardiola e shikon Kulibalin si përforcimin kryesor në mbrojtje.