Ndeshja e kthimit mes Mançester Sitit dhe Real Madridit në Ligën e Kampionëve do të luhet në Angli me 7 gusht, por lojtarët e ekipit spanjoll nuk do karantinohen 14 ditë . Çdo kush që mbërrin në Britani nga Spanja duhet të vetëizolohet për një periudhë 14 ditore, por kjo nuk do ndodhë me futbollistët e Real Madridit.
Oliver Douden, sekretari i shtetit për sportin në Angli tregoi se Liga e Kampionëve dhe Formula 1 do bëjnë përjashtim nga ky rregull. Drejtuesit e Real Madridit ishin përgatitur edhe për të luajtur në Lisbonë siç është vendosur nga UEFA, ku pjesa tjetër e skuadrave do luajnë .
Madrilenët janë gati të rikthehen në stërvitje, ku do i nënshtrohen testeve të tjera për koronavirusin.
