Real Madrid është prej kohësh në ndjekje, por misioni i kampionëve spanjollë për të marrë shërbimet e Kylian Mbappe vështirësohet akoma më shumë. Madje, në një të ardhme të shpejtë bëhet i pamundur.
Vetë sulmuesi francez i ka mbyllur dyert transferimit në La Liga, duke i premtuar besnikëri PSG-së. “Jam i lumtur këtu dhe dua të jem pjesë e projektit. Do të jem me PSG sezonin e ardhshëm dhe do të përpiqem të fitoj sa më shumë trofe që të jetë e mundur”, ka thënë Mbape në intervistën e tij pas fitores 4-0 kundër Sëlltik në miqësoren e luajtur pasditen e së martës.
Kjo ishte paraqitja e dytë pozitive e kampionëve të Ligë 1 që pas ndërprerjes së kampionatit. Po ashtu, edhe një tjetër sinjal për të gjithë rivalët në prag të rinisjes së Champions League.
“Ky është një vit i rëndësishëm. Është 50 vjetori i klubit, diçka e veçantë për ekipin dhe tifozët. Për këtë do përpiqem të bëj më të mirën për të fituar gjithçka”, ka përfunduar Kilian Mbape.