Legjenda e Kombëtares së Gjermanisë, Philipp Lahm nuk i ka kursyer elozhet për dy kombëtaret finaliste të Kampionatit Europian (EURO 2020).
“Ky Europian ka dy fituese të mëdha: Anglia ka pësuar vetëm një gol dhe mbështetet te forca atletike e lojtarëve. Janë të fortë në lojën në ajër, një cilësi që të kujton Premier League të së kaluarës”, ka thënë ish-ylli i Gjermanisë dhe Bayern.
“Fituesja tjetër është Italia: skuadra e Mancini-t ka treguar se ka një grup solid, që ka ditur të kombinojë virtytin e vjetër italian për t’u mbrojtur mirë me një përbërës më ndërkombëtar”, ka shtuar ish-kampionbi i botës.
“Nuk mbështetet te catenaccio, por zotëron topin në mesfushën kundërshtare, falë treshes së mesfushës. Është skuadra më e mirë e Europianit taktikisht”.
