Barcelona do të përballet javën e ardhshme me ndeshjen e kthimit të 1/8 finale të Ligës së Kampionëve. Kundër Napolit, në “Camp Nou”, gjithçka do të nisë nga zero, pas barazimit pa gola në sfidën e parë. Rivaldo thotë se ky ballafaqim është shumë, shumë i rrezikshëm dhe, nëse eliminohet, me siguri do të jetë fundi i trajnerit Setien:
“Messi tashmë e tha këtë dhe unë jam dakord me të: ekipi duhet të përmirësohet shumë, nëse duan t’i mposhtin italianët në “Camp Nou”. Dhe për këtë, futbollistët e Barcelonës duhet të përqëndrohen vetëm në këtë ndeshje, ta harrojnë fundin zhgënjyes të La Liga-s. Pa tifozë, skuadra e Gattuso nuk do ta ndjejë aq presionin dhe do të luajë me presionin e madh që ka Barça nga eliminimi. Nëse kjo ndodh, do të përfundonte me siguri epoka e Setien në stolin e skuadrës”.
