Maurizio Sarri foli në konferencën për shtyp para ndeshjes kundër Romës, duke u rikthyer te polemika mbi kalendarin dhe faktit se Juventusi kishte luajtur shumë ndeshje në 12 ditë dhe se nëse ekzistonte mundësia do të aktivizonte ekpin U-23.
“Asnjëherë nuk kam thënë gabim, kam bërë një deklaratë. Ka dymbëdhjetë ditë. Disa zgjedhje duhet të bëhen për t’u përshtatur me kalendarin. Unë i kuptoj vështirësitë në bërjen e kalendarëve në këtë periudhë. Por atëherë duhet të përpiqemi të menaxhojmë, nuk është e lehtë sepse kushtet e mjedisit janë të vështira. Nëse flas mirë italisht nuk ka shumë interpretime…”.