Benjamin Kololli vazhdon të shkëlqejë në Zvicër me Zyrihun, teksa ditën e djeshme ka gjetur përsëri rrugën e rrjetës.
Në minutën e 19’, mesfushori i Kosovës pas një skeme perfekte ia doli ta dërgojë topin në rrjetë me një predhë, duke shtangur kështu portierin e Servete dhe kaloi Zyrihun në avantazh.
Ekipi i futbollistit kosovar fitoi me rezultatin 2-0 teksa në minutën e 50’ shënoi edhe Rueg. Kololli është duke treguar një formë të shkëlqyer në Zvicër, teksa në 6 ndeshjet e fundit ka arritur të shënojë 5 gola.
