Xhejms Milner është një nga mesfushorët veteran dhe më të mirë që ka Liverpuli. Anglezi ka fituar Ligën e Kampionëve dhe tani fitoi titullin kampion me Liverpulin.
Por Milner ka zbuluar një prapaskenë ku ishte gati të largohej nga Liverpuli. Mesfushori tregon se kur Klop i kërkoi të luante në krahun e majtë të mbrojtjes në sezonin 2016, ai ishte gati ti thonte jo dhe të largohej. Në një intervistë për “Sky Sport” Milner u shpreh: “Klop erdhi dhe më kërkoi mua të bëja rolin e mbrojtësit të majtë. Në fillim isha gati ti thoja jo dhe se doja të largohesha, por më pas ndërrova mendje.
Fillova të mësoja rolin e ri, dhe shokët e ekipit u surprizuan kur më panë ndeshjen e rradhës të luaja si mbrojtës i majtë”, përfundoi mesfushori. Milner e ka ndihmuar Liverpulin të fitojë titullin kampion këtë sezon pas 30 vitesh pritje, si dhe Ligën e Kampionëve.
