Më 26 gusht 2017, në Las Vegas u zhvillua sfida e madhe e boksit mes Floyd Mayweather dhe Conor McGregor. Kjo ishte hera e parë që irlandezi, ikonë e arteve marciale mikse, duelonte në ring dhe u mposht.
Mayweather fitoi me “KO teknik” në raundin e 10-të, një sfidë që gjeneroi miliona dollarë fitime për sportistët (65 milionë dollarë për McGregor dhe 200 milionë për Mayweather).
3 vite nga kjo sfidë, që pati miliona ndjekës anembanë botës, McGregor ka postuar një mesazh në faqen e tij zyrtare në “Instagram”. Ai kujton me nostalgji këtë sfidë dhe përshëndet rivalin e tij.
“3 vite më parë unë solla në ring Floyd Mayweather, për duelin e tij të fundit si boksier. Uau, koha fluturon… Gëzuar tërheqjen nga sporti kampion”, shkruan Conor McGregor, që gjithashtu ka deklaruar dy muaj më parë se nuk do të duelojë më.