Tre futbollistë anglezë të Premierligës Dele Alli, James Maddison e Jack Grealish janë fotografuar së fundmi duke kaluar pushimet në Ibiza në Spanjë.
Siç shihet nga fotot, të tre futbollistët janë duke festuar në një resort me një grumbull njerëzish, pa respektuar distancën sociale.
Jack Grealish është kritikuar edhe më parë për mos respektim të rregullave gjatë pandemisë së koronavirusit.
Në mars ai është parë në një festë ilegale së bashku me shokun e skuadrës Rosse Mcormack, ndërkohë që e gjithë bota ishte në karantinë.
