Një raport i veçantë ai mes tenorit të famshëm italian Andrea Bocelli dhe Interit: kantautori i njohur nuk e ka fshehur kurrë dashurinë që ka për klubin zikaltër, me të cilin mendohet të ketë një lidhje të fortë. Aq unike, sa në pushime këngëtari ka dashur të ftojë mbrojtësin e Interit, Alesandro Bastoni, që t’i bashkohet në varkën e tij për një… “koncert privat”.
Siç ka treguar futbollisti në “Instagram”, Boçeli e ka pritur në varkën e tij dhe i ka dedikuar edhe një nga këngët e tij më të famshme “Vivo per lei”.
Një gjest që është pritur në mënyrë të shkëlqyer nga mbrojtësi, i cili e ka falënderuar në rrjetin social. Një minievent për të shijuar më së miri pushimet pas lodhjeve të një sezoni të gjatë që për skuadrën zikaltër përfundoi edhe me humbjen në finalen e Ligës së Europës.
