Arsenali është shumë pranë transferimit të Gabriel Magalhaes nga Lila. “Topçinjtë” kanë arritur marrëveshje personale me mbrojtësin dhe do paguajnë në arkat e klubit francez 30 milionë euro.
Napoli dhe Evertoni gjithashtu ishin në bisedime me brazilianin dhe kishin bërë oferta pak a shumë të ngjashme me atë të klubit anglez, por në fund vendimtare duket se ka qenë dëshira e vetë lojtarit. Kjo lëvizje mund të sjellë efekt domino në merkato, pasi bën që Napoli të mos e shesë Kulibalinë.
Klubi italian e kërkonte Magalhaesin si zëvendues të senegelazit, por marrëveshja nuk është arritur dhe Kulibali mund të qëndrojë në Serinë A. Për Kulibalinë skuadra më e interesuar është Mançester Siti, që ishte pranë arritjes së akordit me Napolin ditët e fundit.
