Njësoj si sezonet e kaluara, derbi i kryeqytetit do të luhet 4 herë brenda një edicioni. Përballja e parë për 2020-2021 midis Tiranës dhe Partizanit do të luhet në javën e 6-të në 17 tetor, ku kampionët në fuqi të Shqipërisë janë përcaktuar si pritës.
Ballafaqimi i dytë sezonal midis dy rivalëve të përjetshëm është përcaktuar të luhet në javën e 15-të ku skuadra e Ilir Dajës do të jetë “zonja e shtëpisë”.
Në vitin 2021, 25-herë kampionët e Shqipërisë do të takohen me 16-herë kampionët e vendit në datën 27 shkurt, java e 24-rt e kampionatit, me Tiranën si ekip vendas dhe Partizani “mik”.
Për herë të fundit në kampionat, bardheblutë e Egbosë dhe të kuqtë e Ilir Dajës do të përplasen në javën e 33-të, datë 8 maj 2021.
Përveç betejave direkte të derbit, të gjithë urojnë që Tirana dhe Partizani të luftojnë dhe për titullin kampion, diçka që nuk ndodhi sezonin e fundit për shkak të oshilacioneve të të kuqve që solli ndërrimin e dy trajnerëve Lerda dhe Sormani.
