Vladica Brdarovski parashikohet të jetë një nga goditjet e Partizanit, në rast se KAS-i u heq embargon e afrimeve në merkato. “Panorama Sport” e paralajmëroi të shtunën këtë lëvizje, pasi palët prej ditësh i kanë nisur bisedimet.
Dhe për ta vërtetuar këtë lëvizje të mundshme të “demave” në merkato ka menduar vetë ishmbrojtësi i Vardarit. 30-vjeçari ka postuar një foto nga Tirana, duke lënë të kuptohet për destinacionin e tij të ri.
Brdarovski thuhet se e ka gjetur akordin me Partizanin dhe me zhbllokimin e merkatos trajneri Daja do të ketë në dispozicion një lojtar me eksperiencë në të djathtë të mbrojtjes. Gjasat janë që Brdarovski të bashkohet me ekipin në Ohër.
