Trajneri i Francës, Didier Deshamp, ka pasur një reagim të veçantë ndaj gazetarëve kazakë, pas një pyetje në lidhje me Karim Benzemanë, i cili prej kohësh nuk grumbullohet në kombëtare.
Pyetjet për sulmuesin francez kanë qenë të shumta për trajnerin, teksa nuk kanë munguar edhe në Kazakistan, ku Franca triumfoi 2-0.
Gjatë konferencës për shtyp, një gazetar kazak, nis ta pyesë trajnerin për sulmuesin e Realit, por ndërpritet menjëherë: “Lidhur me Benzemanë…”, filloi gazetari, ndërkohë që menjëherë ndërhyri Deshampi: “Ohh Zoti im, edhe këtu?! Jam i sigurt që dikush iu tha ta bëni këtë pyetje, ndoshta ndonjë gazetar francez”, tha Deshamp, ndërkohë që u ngrit dhe u largua nga konferenca.
🇫🇷 Preguntan en la rueda de prensa por Benzema… y así reacciona Deschamps 😶 pic.twitter.com/ebFVr6Bi3c
— MARCA (@marca) March 29, 2021
