Presidenti Joseph Maria Bartomeu paralajmëroi revolucion pas degradimit ndaj Bayern Munchen në Champions League. Ekipi humbi me rezultatin 8-1 dhe i pari që u largua ishte Quique Setien, por radha duket se do të jetë e gjatë.
Eric Abidal u shkarkua nga roli i drejtorit sportiv. Një rol shumë i diskutuar, pasi eksperienca e tij nuk ishte aspak pozitive. Ai pati probleme me lojtarët kryesorë sepse u përplas dhe hapur me Messin, në media dhe merkatoja ishte skandaloze.
Katalanasit zyrtarizuan prishjen e marrëveshjes me francezin. “Barcelona dhe Eric Abidal kanë vendosur që të prishin kontratën që mbante lidhur të dy klubet mes tyre”,– shkruhet në njoftimin e klubit.