Edhe pse e priste me padurim, Neymar mund të humbasë finalen e Champions-it.
Kjo pasi ka shkelur protokollin e Covid-19 duke shkëmbyer fanellën me lojtarin kundërshtar.
Ndoshta mund t’i kushtojë shtrenjtë yllit brazilian, nëse UEFA iu qëndron strikt rregullave të saj në këtë kohë pandemie.
28-vjeçari u kap nga kamerat duke ndërruar fanellat me Marcel Halstenberg, pas fitores 3-0 të gjigantëve francezë, të martën.
Sipas protokolleve të reja mjekësore të UEFA-s, të future në fuqi pas pandemisë së Covid-19, ky veprim i futbollistit mund të pezullohet një ndeshje dhe të karantinohet në mënyrë të detyrueshme për 12 ditë.
Rregulli përkatës thotë: “Lojtarëve iu rekomandohet të përmbahen nga shkëmbimi i fanellave të tyre”.
Rekomandimi në fjalë mund të jetë në favor të Neymar, pasi rregullat nuk e ndalojnë në mënyrë të qartë shkëmbimin e fanellave, por e paralajmërojnë atë. Kjo do të thotë që diskrecioni ka të ngjarë të ketë dy drejtime: pezullim me një ndeshje, ose një periudhë izolimi.
