Sipas raportimeve në Francë, Juventusi po përgatitet të bëjë ofertën e parë për mesfushorin e Lionit, Husem Aouar. 22-vjeçari i talentuar kërkohet nga shumë skuadra të tjera, përfshirë Arsenalin dhe Mançester Sitin.
Sipas “Footmercato”, një ofertë zyrtare pritet të bëhet nga Juventusi në ditët në vazhdim. Lion kërkon 60 milionë euro për shërbimet e Aouar, dhe bardhezinjtë nuk duket se do paguajnë shumën e plotë. Juventus po mendon të përfshijë lojtarë të tjerë në negociata ose ta transferojë mesfushorin me formulën e huazimit me të drejtë blerjeje.
Gjatë sezonit 2019-2020, Aouar shënoi 9 gola dhe dha 10 asiste në 40 ndeshje. Mesfushori madje ndihmoi Lionin të eliminojë nga Championsi Juventusin dhe Mançester Sitin.
